劇集《十八年後的終極告白》被網友形容是史無前例一部無論主角還是配角都「好戲」的一個劇集，除了飾演七位中學同學譚俊彥、陳山聰、何遠東、林師傑、蕭徽勇、杜大偉和司徒暉的角色各有性格之外，劇情鋪排得相當有智慧，先帶觀眾遊花園，令大家都對兇手誰屬摸不著頭腦，後來兩位好友先後被殺，慢慢令觀眾愈來愈想追看，看看到底才是多年來的真兇。最終殺手原來是「賴國明」，一直都潛伏在劇集之中，令觀眾大感驚喜。
相關新聞：【十八年後的終極告白】KT唐嘉麟為愛變殺人狂觀眾收貨？ 三大犯駁位仍有待解謎
(圖片：《十八年後的終極告白》電視截圖)
(圖片：《十八年後的終極告白》電視截圖)
(圖片：KT唐嘉麟IG )
(圖片：KT唐嘉麟IG )
今次監製找來KT唐嘉麟飾演殺手一角，由於角色患有精神病，對他而言大感挑戰，他說：「我同譚俊彥有一齊研究，因為佢係前輩有好多經驗，大家都覺得最恐怖係平靜，賴國明覺得殺人係冇錯，所以平日係好平靜，只係見到血先會發狂。起初聽到個故事，真係覺得好正，之前咁多集，大家都估唔到，都算係成功。」
(圖片：《晴報》楊嘉傑攝)
其實KT加入無綫已經8年時間，演過的戲非常之多，雖然未算得上是配角或主角，但他大感幸福。KT演戲之前由MC Jin歐陽靖帶入行做Rapper，可惜三年來很努力都無辦法出碟，KT說：「出道跟足MC Jin三年，當時為入行辭咗份工，又安排我去美國拍MV，點知返到嚟話冇得出，唔可以話沮喪，但的確會失望，團火會熄。入無綫之前係我人生最窮嘅日子，因為當時冇公司又冇工作。」
相關新聞：【十八年後的終極告白‧劇透】神隱「蛋撻」現身 到底係咪兇手？ 迷暈譚俊彥的神秘人有跡可尋
(圖片：KT唐嘉麟IG )
(圖片：KT唐嘉麟IG )
(圖片：KT唐嘉麟IG )
曾經做過售貨員、律師樓跑腿、客戶服務接線生、又搞過小生意、加入無綫之後，做演員由低做起，他說：「做過咁多份工，我就知自己唔可以困死喺一個地方做嘢，拍劇幾好吖，你做同一個工種但日日嘅工作都唔同。拍戲某程度上係為搵食，始終藝人要露多啲面，先會有人識你。簽經理合約第六年，雖然唔係咩大角色，但總算劇接劇，叫做有工開，已經非常幸運。我覺得無論演幾多年戲，都係抱住學習心態，TVB係個好地方畀你去學點演戲，因為好多人教你。」
(圖片：《晴報》楊嘉傑攝)
問到會否覺得今次演殺手，終於讓觀眾能夠看到自己？他表示：「平常心，之前拍過《實習天使》、《倩女失魂》等等基本上集集都有，咪又係咁。對我嚟講，演戲係份工作，我好尊重我份工，至於代表作，可能要等時間同機會，但我鍾意做，我就會好努力去做好佢。」
KT笑言自己身上有很多紋身，又愛Hip Hop的打扮穿金戴銀，早前特別打造一棚鑽石牙套，非常有個性。他說：「我依家都有做歌，因為我鍾意Hip Hop，不過心態同初初出道差好遠，以前係商業啲成份。講真，有錢有夢想，依家有班朋友幫我，我做歌都會做返自己鍾意嘅嘢。新歌講改車，完全係我嘅興趣，歌詞都有夾雜粗口，我覺得咁樣自己玩得舒服，反而更多人鍾意聽。」
KT直言《中國有嘻哈》第二季曾經邀請過他參與，可惜當時有劇在身推卻了，他說：「少少失望錯失咗一次機會，不過內地啲人太勁，而且我脫節咗好長一段時間，未必真係好成功。依家我最想同陳小春同張敬軒合作，咁我就成功解鎖。依家工作心態都係，幕後工作人員叫到我個名，我已經好滿足。」
(圖片：《晴報》楊嘉傑攝)
(圖片：《晴報》楊嘉傑攝)
責任編輯：楊安莉
首飾：J Love Jewellery
眼鏡：Hachill